KTM சேவைகளில் தற்காலிக நேர மாற்றங்கள்

ganapathy May 29, 2025 25

Dated: 29.5.2025 Time: 3.20pm By: Punithai Chandran

கோலாலம்பூர், மே 29

கெப்போங் ரயில் நிலையத்திற்கும், தெற்கு சாலாக் ரயில் நிலையத்திற்கும் இடையிலான வழித்தடத்தில் சமிக்ஞை விளக்கு அமைக்கும் பணிகள், வரும் சனிக்கிழமை தொடங்கி, ஜூன் 2-ஆம் தேதி வரை மூன்று நாட்கள் மேற்கொள்ளப்படவுள்ளதாக என்று KTM வெளியிட்டுள்ள அறிக்கையில் கூறியுள்ளது. .

இந்த மூன்று நாட்களிலும் கிள்ளான் பள்ளத்தாக்கில் உள்ள KTM Komuter சேவைகள் மற்றும் மின்சார ரயில் சேவைகள் தற்காலிமாக நேர மாற்றங்களைச் செய்துள்ளது. இது அசல் அட்டவணையில் இருந்து சுமார் 50 நிமிடங்கள் வரை தாமதமாகலாம் என்று எதிர்பார்க்கப்படுவதாக கூறப்படுகிறது.

புலாவ் செபாங் – பத்துமலை – புலாவ் செபாங் மற்றும் தஞ்சோங் மாலிம் – கேஎல் சென்ட்ரல் – தஞ்சோங் மாலிம் வழித்தடங்களில் உள்ள KTM Komuter சேவைகளும், ETS சேவைகளும் அவற்றின் அசல் அட்டவணையில் இருந்து 50 நிமிடங்கள் வரை தாமதங்களைச் சந்திக்கலாம் என்றும் எதிர்பார்க்கப்படுகிறது

கூடுதலாக ETS சேவைகள் – EG9321 சேவையான, பட்டர்வொர்த் முதல் சிகாமாட் வரை – மே 21 அன்று மட்டும், கேஎல் சென்ட்ரல் மற்றும் கோலாலம்பூர் நிலையங்களில் மாற்றங்களைக் கொண்டிருக்கும்.

சம்பந்தப்பட்ட ரயில் நிலையங்களில் பயணிகளுக்கு வழிகாட்டவும், உதவவும் அதிகாரிகள் நிறுத்தப்படுவார்கள் என்றும் அந்த அறிக்கையில் மேலும் கூறப்பட்டுள்ளது.